ដោយ សុ ជីវី
2013-02-04
ក្រុមបារគូនៃព្រះបរមរាជវាំង ដង្ហែព្រះភ្លើងទៅកាន់ព្រះមហាបញ្ចានៅក្នុងព្រះបរមមេរុជាទី តម្កល់ព្រះបរមរតនកោដ្ឋ នៅវេលាម៉ោង ១១ និង ៣០នាទី ថ្ងៃទី៤ ខែកុម្ភៈ។
៤-កុម្ភៈ-២០១៣៖ ក្រុមបារគូដង្ហែព្រះភ្លើងចេញពីព្រះបរមរាជវាំង ទៅកាន់ព្រះបរមមេរុ សម្រាប់ថ្វាយព្រះបរមរតនកោដ្ឋ។
តាមកម្មវិធីនៅថ្ងៃទី៤ ដែលជាថ្ងៃថ្វាយព្រះភ្លើងនេះ ព្រះរាជពិធីថ្វាយព្រះភ្លើងបូជាសពនឹងត្រូវធ្វើឡើងនៅវេលាម៉ោង ៦ ល្ងាចថ្ងៃទី៤ កុម្ភៈ នេះ។
ព្រះភ្លើងនេះ គឺបានមកពីព្រះសូរ្យសែង ឬកម្ដៅព្រះអាទិត្យ ដែលក្រុមបាគូ និងអ្នកកាន់ពិធីក្នុងព្រះបរមរាជវាំង កាលពីសប្ដាហ៍កន្លងទៅ បានធ្វើពិធីសុំព្រះភ្លើងពីព្រះអាទិត្យ។ ក្នុងនោះក្រុមបារគូបានដាក់កំណាត់ខ្លឹមចន្ទន៍ក្រស្នាតូចៗ ដែលជាឈើក្រអូបនៅពីក្រោមកែវពង្រីក រហូតទាល់តែកម្ទេចឈើនោះឆេះចេញជាអណ្ដាតភ្លើងឡើង។ បន្ទាប់មកបារគូបានយកទៀនទៅអុជចម្លងយកភ្លើងនោះទៅរក្សាទុក ក្នុងព្រះបរមរាជវាំង ដើម្បីរង់ចាំពិធីថ្វាយព្រះភ្លើង៕ប្រភពពី RFA
Hello, my name is Jack Sparrow. I'm a 50 year old self-employed Pirate from the Caribbean.