លោក ហោ ណាំហុង អះអាងថា រដ្ឋាភិបាលកំពុងយកចិត្តទុកដាក់ដោះស្រាយបញ្ហានេះហើយថា ជនបរទេសមិនស្រឡាញ់ខ្មែរ ដូចខ្មែរស្រឡាញ់ខ្មែរទេ។
ជំហររដ្ឋាភិបាលនេះ ធ្វើឡើងក្រោយពេលរដ្ឋមន្ត្រីការបរទេសអាមេរិក អ្នកស្រី ហ៊ីលឡារី គ្លិនតុន (Hillary Clinton) ស្នើសុំរដ្ឋាភិបាលកម្ពុជា តាមរយៈលោក ហោ ណាំហុង ថា ប្រសិនបើអ្នកភូមិបឹងកក់ ត្រូវបានដោះលែងនោះ ជាសញ្ញាបង្ហាញពីការគាំទ្រសិទ្ធិបញ្ចេញមតិ។
រដ្ឋមន្ត្រីការបរទេសអាមេរិក អ្នកស្រី ហ៊ីលឡារី គ្លិនតុន កាលពីថ្ងៃអង្គារ ទី១២ មិថុនា បានលើកឡើងពីបញ្ហាសិទ្ធិមនុស្សជាមួយនឹងសមភាគីអ្នកស្រី ជារដ្ឋមន្ត្រីការបរទេសកម្ពុជា លោក ហោ ណាំហុង។ ក្នុងជំនួបផ្លូវរដ្ឋទ្វេភាគី រវាងអ្នកស្រី ហ៊ីលឡារី គ្លិនតុន និងលោក ហោ ណាំហុង សហរដ្ឋអាមេរិកបានស្នើសុំរដ្ឋាភិបាលកម្ពុជា អន្តរាគមន៍ដោះលែងស្ត្រី និងបុរសជាតំណាងអ្នកភូមិបឹងកក់ ចំនួន ១៥នាក់ ដែលកំពុងជាប់ពន្ធនាគារព្រៃស។
មន្ត្រីនាំពាក្យក្រសួងការបរទេសអាមេរិក អ្នកស្រី វិចតូរៀ ណូឡែន (Victoria Nuland) បានប្រាប់អ្នកសារព័ត៌មានថា អ្នកស្រីរដ្ឋមន្ត្រីការបរទេស បានសម្ដែងក្តីកង្វល់ចំពោះការតវ៉ាបញ្ហាដីធ្លី ហើយស្នើសុំឲ្យរដ្ឋាភិបាលកម្ពុជាផ្តល់ឱកាសឲ្យអ្នកភូមិបឹងកក់ កំពុងជាប់ពន្ធនាគារ ទទួលបានការកាត់ទោសដោយយុត្តិធម៌។
អ្នកស្រី វិចតូរៀ ណូឡែន៖ «អ្នកស្រីរដ្ឋមន្ត្រី បានសម្ដែងក្តីកង្វល់ ពីការតវ៉ាមួយចំនួននៅពេលថ្មីនេះៗ ពាក់ព័ន្ធទៅនឹងសិទ្ធិដីធ្លី។ អ្នកស្រីបានស្នើសុំឲ្យកម្ពុជា អនុញ្ញាតឲ្យពលរដ្ឋបឹងកក់ កំពុងជាប់ឃុំ ទទួលបានការកាត់ទោសដោយយុត្តិធម៌»។
អ្នកស្រីបន្ថែមថា អ្នកស្រី ហ៊ីលឡារី គ្លិនតុន បានបញ្ជាក់ប្រាប់លោក ហោ ណាំហុង ថា ប្រសិនបើអ្នកភូមិបឹងកក់ ត្រូវបានដោះលែងនោះ វានឹងក្លាយជាសញ្ញាមួយបង្ហាញពីការគាំទ្រសិទ្ធិបញ្ចេញមតិ។
ក្នុងកិច្ចសម្ភាសន៍នឹងវិទ្យុអាស៊ីសេរី ផ្ទាល់ នៅរដ្ឋធានីវ៉ាស៊ីនតោន លោក ហោ ណាំហុង ឆ្លើយតបទៅនឹងសំណើអ្នកស្រី គ្លិនតុន ថា រដ្ឋាភិបាលកម្ពុជាកំពុងដោះស្រាយអ្នកភូមិបឹងកក់។
លោក ហោ ណាំហុង៖ «ខ្ញុំទើបបានទទួលព័ត៌មានព្រឹកនេះថា ក្រសួងយុត្តិធម៌ស្នើសុំសាលាដំបូងរាជធានីភ្នំពេញ ពិនិត្យជួយសម្រុះសម្រួលករណីនេះផង។ យើងជាអ្នកដឹកនាំកម្ពុជា យើងមានស្មារតីការពារជនជាតិខ្មែរ ស្នេហាជនជាតិ ជាងជនណាទាំងអស់»។
រដ្ឋលេខាធិការក្រសួងការបរទេស លោក កៅ គឹមហួន ដែលបានអមដំណើរលោក ហោ ណាំហុង នៅរដ្ឋធានីវ៉ាស៊ីនតោន ក៏បានអះអាងប្រាប់អ្នកចូលរួមវេទិកាពិភាក្សាពីតួនាទីអាស៊ាន នៅឯមជ្ឈមណ្ឌលយុទ្ធសាស្ត្រ និងសិក្សាអន្តរជាតិថា រដ្ឋាភិបាលកម្ពុជាគ្មានគោលនយោបាយទន្ទ្រានយកដីពលរដ្ឋទេ។
លោកបន្តថា ការបាត់បង់ផ្ទះសម្បែងពលរដ្ឋបឹងកក់ មិនមែនដោយសារតែគោលនយោបាយអយុត្តិធម៌របស់រដ្ឋាភិបាលកម្ពុជាឡើយ។ លោកអះអាងថា ការចោទប្រកាន់អំពីការបង្ខំបណ្ដេញពលរដ្ឋចេញពីលំនៅឋាន និងដីធ្លីនោះ មិនមែនជាការពិតទេ។ លោកថា ការបង្ខំទាំងនោះ ដោយសារពលរដ្ឋបានទន្ទ្រានកាន់កាប់ដីរបស់រដ្ឋ ដោយខុសច្បាប់។
ក្នុងជំនួបទ្វេភាគីនោះដែរ អ្នកស្រី គ្លិនតុន ក៏បានលើកយកបញ្ហាប្រធានគណបក្ស សម រង្ស៊ី លោក សម រង្ស៊ី មកពិភាក្សានឹងលោក ហោ ណាំហុង។ មន្ត្រីនាំពាក្យបញ្ជាក់បន្ថែមទៀតថា អ្នកស្រីបានបញ្ជាក់ពីសារៈប្រយោជន៍នៃការបោះឆ្នោតដោយមានតម្លាភាព សេរី និងយុត្តិធម៌ សម្រាប់ការបោះឆ្នោតជ្រើសរើសសមាជិកសភាឆ្នាំ២០១៣ ខាងមុខនេះ។
អ្នកស្រី វិចតូរៀ ណូឡែន៖ «អ្នកស្រីរដ្ឋមន្ត្រីបានពិភាក្សាពី ភាពចាំបាច់ នៃការបោះឆ្នោតនៅឆ្នាំ២០១៣ ខាងមុខនេះ ប្រកបដោយសេរី យុត្តិធម៌ និងតម្លាភាព ដោយមានការចូលរួមសមស្របពីសំណាក់មជ្ឈដ្ឋានគណបក្សនយោបាយចម្រុះ»។
អ្នកស្រីចង់ឲ្យគណបក្សនយោបាយទាំងឡាយ អាចចូលរួមការប្រកួតប្រជែងការបោះឆ្នោតដោយសមស្របមួយ។ ទោះបីជាយ៉ាងណាក៏ដោយ អ្នកស្រីបញ្ជាក់ថា ការអនុញ្ញាតឲ្យលោក សម រង្ស៊ី អាចចូលរួមការបោះឆ្នោត ស្ថិតលើសមត្ថកិច្ចរដ្ឋាភិបាលកម្ពុជា ជាអ្នកសម្រេច៕
ប្រភពពី RFAរដ្ឋមន្ត្រីការបរទេសអាមេរិក អ្នកស្រី ហ៊ីលឡារី គ្លិនតុន កាលពីថ្ងៃអង្គារ ទី១២ មិថុនា បានលើកឡើងពីបញ្ហាសិទ្ធិមនុស្សជាមួយនឹងសមភាគីអ្នកស្រី ជារដ្ឋមន្ត្រីការបរទេសកម្ពុជា លោក ហោ ណាំហុង។ ក្នុងជំនួបផ្លូវរដ្ឋទ្វេភាគី រវាងអ្នកស្រី ហ៊ីលឡារី គ្លិនតុន និងលោក ហោ ណាំហុង សហរដ្ឋអាមេរិកបានស្នើសុំរដ្ឋាភិបាលកម្ពុជា អន្តរាគមន៍ដោះលែងស្ត្រី និងបុរសជាតំណាងអ្នកភូមិបឹងកក់ ចំនួន ១៥នាក់ ដែលកំពុងជាប់ពន្ធនាគារព្រៃស។
មន្ត្រីនាំពាក្យក្រសួងការបរទេសអាមេរិក អ្នកស្រី វិចតូរៀ ណូឡែន (Victoria Nuland) បានប្រាប់អ្នកសារព័ត៌មានថា អ្នកស្រីរដ្ឋមន្ត្រីការបរទេស បានសម្ដែងក្តីកង្វល់ចំពោះការតវ៉ាបញ្ហាដីធ្លី ហើយស្នើសុំឲ្យរដ្ឋាភិបាលកម្ពុជាផ្តល់ឱកាសឲ្យអ្នកភូមិបឹងកក់ កំពុងជាប់ពន្ធនាគារ ទទួលបានការកាត់ទោសដោយយុត្តិធម៌។
អ្នកស្រី វិចតូរៀ ណូឡែន៖ «អ្នកស្រីរដ្ឋមន្ត្រី បានសម្ដែងក្តីកង្វល់ ពីការតវ៉ាមួយចំនួននៅពេលថ្មីនេះៗ ពាក់ព័ន្ធទៅនឹងសិទ្ធិដីធ្លី។ អ្នកស្រីបានស្នើសុំឲ្យកម្ពុជា អនុញ្ញាតឲ្យពលរដ្ឋបឹងកក់ កំពុងជាប់ឃុំ ទទួលបានការកាត់ទោសដោយយុត្តិធម៌»។
អ្នកស្រីបន្ថែមថា អ្នកស្រី ហ៊ីលឡារី គ្លិនតុន បានបញ្ជាក់ប្រាប់លោក ហោ ណាំហុង ថា ប្រសិនបើអ្នកភូមិបឹងកក់ ត្រូវបានដោះលែងនោះ វានឹងក្លាយជាសញ្ញាមួយបង្ហាញពីការគាំទ្រសិទ្ធិបញ្ចេញមតិ។
ក្នុងកិច្ចសម្ភាសន៍នឹងវិទ្យុអាស៊ីសេរី ផ្ទាល់ នៅរដ្ឋធានីវ៉ាស៊ីនតោន លោក ហោ ណាំហុង ឆ្លើយតបទៅនឹងសំណើអ្នកស្រី គ្លិនតុន ថា រដ្ឋាភិបាលកម្ពុជាកំពុងដោះស្រាយអ្នកភូមិបឹងកក់។
លោក ហោ ណាំហុង៖ «ខ្ញុំទើបបានទទួលព័ត៌មានព្រឹកនេះថា ក្រសួងយុត្តិធម៌ស្នើសុំសាលាដំបូងរាជធានីភ្នំពេញ ពិនិត្យជួយសម្រុះសម្រួលករណីនេះផង។ យើងជាអ្នកដឹកនាំកម្ពុជា យើងមានស្មារតីការពារជនជាតិខ្មែរ ស្នេហាជនជាតិ ជាងជនណាទាំងអស់»។
រដ្ឋលេខាធិការក្រសួងការបរទេស លោក កៅ គឹមហួន ដែលបានអមដំណើរលោក ហោ ណាំហុង នៅរដ្ឋធានីវ៉ាស៊ីនតោន ក៏បានអះអាងប្រាប់អ្នកចូលរួមវេទិកាពិភាក្សាពីតួនាទីអាស៊ាន នៅឯមជ្ឈមណ្ឌលយុទ្ធសាស្ត្រ និងសិក្សាអន្តរជាតិថា រដ្ឋាភិបាលកម្ពុជាគ្មានគោលនយោបាយទន្ទ្រានយកដីពលរដ្ឋទេ។
លោកបន្តថា ការបាត់បង់ផ្ទះសម្បែងពលរដ្ឋបឹងកក់ មិនមែនដោយសារតែគោលនយោបាយអយុត្តិធម៌របស់រដ្ឋាភិបាលកម្ពុជាឡើយ។ លោកអះអាងថា ការចោទប្រកាន់អំពីការបង្ខំបណ្ដេញពលរដ្ឋចេញពីលំនៅឋាន និងដីធ្លីនោះ មិនមែនជាការពិតទេ។ លោកថា ការបង្ខំទាំងនោះ ដោយសារពលរដ្ឋបានទន្ទ្រានកាន់កាប់ដីរបស់រដ្ឋ ដោយខុសច្បាប់។
ក្នុងជំនួបទ្វេភាគីនោះដែរ អ្នកស្រី គ្លិនតុន ក៏បានលើកយកបញ្ហាប្រធានគណបក្ស សម រង្ស៊ី លោក សម រង្ស៊ី មកពិភាក្សានឹងលោក ហោ ណាំហុង។ មន្ត្រីនាំពាក្យបញ្ជាក់បន្ថែមទៀតថា អ្នកស្រីបានបញ្ជាក់ពីសារៈប្រយោជន៍នៃការបោះឆ្នោតដោយមានតម្លាភាព សេរី និងយុត្តិធម៌ សម្រាប់ការបោះឆ្នោតជ្រើសរើសសមាជិកសភាឆ្នាំ២០១៣ ខាងមុខនេះ។
អ្នកស្រី វិចតូរៀ ណូឡែន៖ «អ្នកស្រីរដ្ឋមន្ត្រីបានពិភាក្សាពី ភាពចាំបាច់ នៃការបោះឆ្នោតនៅឆ្នាំ២០១៣ ខាងមុខនេះ ប្រកបដោយសេរី យុត្តិធម៌ និងតម្លាភាព ដោយមានការចូលរួមសមស្របពីសំណាក់មជ្ឈដ្ឋានគណបក្សនយោបាយចម្រុះ»។
អ្នកស្រីចង់ឲ្យគណបក្សនយោបាយទាំងឡាយ អាចចូលរួមការប្រកួតប្រជែងការបោះឆ្នោតដោយសមស្របមួយ។ ទោះបីជាយ៉ាងណាក៏ដោយ អ្នកស្រីបញ្ជាក់ថា ការអនុញ្ញាតឲ្យលោក សម រង្ស៊ី អាចចូលរួមការបោះឆ្នោត ស្ថិតលើសមត្ថកិច្ចរដ្ឋាភិបាលកម្ពុជា ជាអ្នកសម្រេច៕
Hello, my name is Jack Sparrow. I'm a 50 year old self-employed Pirate from the Caribbean.