ថ្ងៃនេះ ជាភាគទីបីនៃបទពណ៌នាឧទ្ទិសដល់ប្រវត្តិជញ្ជាំងក្រុងប៊ែរឡាំង។ ជញ្ជាំងនេះ ដែលសង់ឡើងក្នុងឆ្នាំ ១៩៦១ ដើម្បីបង្ខាំងបណ្តាជនក្រុងប៊ែរឡាំងខាងកើតកុំឲ្យរត់ទៅ ក្រុងបែរឡាំងខាងលិច លុះ២៨ឆ្នាំក្រោយមក នៅថ្ងៃ ៩ វិច្ឆិកា ១៩៨៩ ដោយទប់ មិនជាប់នឹង ចរន្តអ្នកស្រុកដែលស្រេកឃ្លានសេរីភាព ក៏ចាប់ផ្ដើមរង្គោះរង្គើទាល់តែរលំគ្រេង។
និមិត្តរូបនេះនៃ សង្គ្រាមត្រជាក់លែងមានអត្ថិភាព ក៏ដោយសារឥទ្ធិពលនៃនយោបាយ កំណែទម្រង់ កាលណោះនៅសហភាពសូវៀតក្រោមឈ្មោះថា “ពេរេស្ត្រូយកា”។
សូមចុចខាងក្រោមដើម្បីស្តាប់ ៖
សូមចុចខាងក្រោមដើម្បីស្តាប់ ៖
ការសាងសង់ជញ្ជាំងក្រុងប៊ែរឡាំងក្នុងឆ្នាំ១៩៦១
(រូបថត៖ AFP)
(រូបថត៖ AFP)
ក្រោម ឥទ្ធិពលនយោបាយកំណែទំរង់ហៅថា “ពេរេស្ត្រូយកា” ធ្វើដោយលោកGorbatchev នៅសហភាពសូវៀត ថ្ងៃ១១កញ្ញា ឆ្នាំ១៩៨៩ រដ្ឋាភិបាលប្រទេសសង្គមនិយមមួយ ជាដៃគូរបស់អាល្លឺម៉ង់ខាងកើតក្នុងអង្គការកតិកាសញ្ញា Varsovie ពោលគឺ Hongrie ស្រាប់តែ បានប្រកាសបើកព្រំដែនខ្លួនចំហតែម្តង ជាមួយប្រទេសសេរីជិតខាងខ្លួន គឺAutriche។ ការប្រកាសនោះ បានធ្វើឲ្យជញ្ជាំងក្រុងប៊ែរឡាំង លែងមានន័យ ទៀតឡើយ។ ដ្បិតគ្រាន់តែក្នុង ៣ថ្ងៃសោះ មានពលរដ្ឋអាល្លឺម៉ង់ខាងកើតចំនួនដល់១៥០០០នាក់ បាននាំគ្នាបោលទៅលោកខាងលិចតាមរយៈដែនដីហុងគ្រី។ លុះទាល់តែរដ្ឋាភិបាលអាល្លឺម៉ង់កុម្មុយនិស្ត ក្តាប់លែងបានស្ថានការណ៍ ដែលពុះកញ្ជ្រោលវិវឌ្ឍយ៉ាងលឿនសែនលឿន។ ក្នុងប្រទេសអាល្លឺម៉ង់ខាងកើតផ្ទាល់បណ្តាជនធ្វើបាតុកម្មគ្រប់ទិសទី ទាមទារសិទ្ធិនិងសេរីភាពស៊ីវិល ។
នៅពីមុខស្ថានការណ៍នេះ ថ្ងៃ៩ វិច្ឆិកា ឆ្នាំ ១៩៨៩ វេលាម៉ោង ១៩ និង ៣៤ នាទី ដោយថ្លែងក្នុងសន្និសីទកាសែត ដែលផ្សាយបន្តផ្ទាល់តាមទូរទស្សន៍ ប្រមុខរដ្ឋាភិបាលអាល្លឺម៉ង់ខាងកើតបានប្រកាសរបៀបរបបថ្មី សំរាប់ការធ្វើដំណើរចេញចូលប្រទេស ពោលគឺ ចាប់ពីថ្ងៃស្អែកទៅពលរដ្ឋនៃសាធារណរដ្ឋប្រជាធិបតេយ្យអាល្លឺម៉ង់អាច ទទួលទិដ្ឋាការទៅទស្សនាភ្លាមភ្លែតក្រុងប៊ែរឡាំងខាងលិច និងសាធារណរដ្ឋសហព័ន្ធអាល្លឺម៉ង់។ ឮដូច្នេះ ពលរដ្ឋអាល្លឺម៉ង់ខាងកើតរាប់សែននាក់ ដោយមិនរង់ចាំដល់ថ្ងៃស្អែកទេ គឺក្នុងយប់ថ្ងៃ ៩ វិច្ឆិកានោះតែម្តងបាននាំគ្នាសំរុកទៅកាន់ព្រំដែន។ ចំណែក ពួកល្បាតព្រំដែនដែលមិនទាន់បានទទួលបទបញ្ជា មុនដំបូងបានបាញ់ទឹកទប់ចរន្តនោះ ប៉ុន្តែបន្ទាប់មកបានបង្ខំចិត្ត បើកព្រំដែននោះទៅ។ ភ្ញៀវភ្លូកទឹក ភ្លូកដីពីទិសខាងកើត ក៏បានត្រូវស្វាគមន៍ទទួលយ៉ាងរីករាយដោយអ្នកក្រុងប៊ែរឡាំងខាងលិច ទាំងពាន់ៗនាក់។
អស់លោកអ្នកនាង នឹងបានជ្រាបអំពីបរិយាកាសបុណ្យភាតរភាពនោះ ដែលញ៉ាំងឲ្យរលុបបាត់ទៅព្រំដែនអាល្លឺម៉ង់នឹងអាល្លឺម៉ង់ និងអំពីវាសនាផ្ទាល់នៃជញ្ជាំងនោះ នោពេលឆាប់ៗនេះ។
Hello, my name is Jack Sparrow. I'm a 50 year old self-employed Pirate from the Caribbean.