ក្រុងតូក្យូៈ កាលពីថ្ងៃព្រហស្បតិ៍
ម្សិលមិញ ជប៉ុន បានសន្យាចាត់វិធានការយ៉ាងមុតមាំ
ដើម្បីកាត់បន្ថយការនាំចូលប្រេងពីប្រទេសអ៊ីរ៉ង់
តាមសំណើពីសហរដ្ឋអាមេរិក។ លោកTimothy Geithner
រដ្ឋមន្ត្រីរតនាគារអារមេរិកកាលពីថ្ងៃព្រហស្បតិ៍បានធ្វើទស្សនកិច្ច
នៅជប៉ុនដើម្បីស្វែងរកការគាំទ្រក្នុងការដាក់ទណ្ឌកម្មលើ អ៊ីរ៉ង់។
លោក
Geithner
បានគាំទ្រដល់កិច្ចសហប្រតិបត្តិការរបស់រដ្ឋាភិបាលក្រុងតូក្យូ
ដែលនេះជាសញ្ញាបង្ហាញការលើកទឹកចិត្តដល់គោលនយោបាយប្រទេស អាមេរិក
បន្ទាប់ពីចិនបានបដិសេធការដាក់ទណ្ឌកម្មរបស់សហរដ្ឋអាមេរិក
ក្នុងគោលបំណងកាត់បន្ថយប្រាក់ចំណូលពីប្រេងរបស់ប្រទេសអ៊ីរ៉ង់
ដែលជាដង្ហើមសេដ្ឋកិច្ចដ៏សំខាន់របស់ខ្លួន។
ប្រទេស
អ៊ីរ៉ង់
ប្រឈមនឹងការធ្លាក់ចុះការលក់ប្រេងទៅឲ្យអតិថិជនធំៗបីរបស់ខ្លួន
រួមមាន ចិន ជប៉ុន និងឥណ្ឌា ដែលបានទិញប្រេងពីអ៊ីរ៉ង់ ជាង
៤០ភាគរយនៃការនាំចេញប្រេងឆៅសរុបរបស់ខ្លួន។ សហភាពអឺរ៉ុប
ដែលជាអតិថិជនដ៏ធំមួយ
បានតាំងចិត្តហាមឃាត់ការនាំចូលប្រេងពីប្រទេសអ៊ីរ៉ង់។
លោក
Jun Azumi រដ្ឋមន្ត្រីក្រសួងហិរញ្ញវត្ថុរបស់ជប៉ុន បានឲ្យដឹងថា
ប្រេងឆៅរបស់អ៊ីរ៉ង់ មានបរិមាណ
១០ភាគរយនៃប្រេងនាំចូលសរុបរបស់ជប៉ុន។ ក្រោយជួបប្រជុំជាមួយលោក
Geithner លោក Jun Azumi បានឲ្យដឹងថា៖
«យើងនឹងចាត់វិធានការជាដុំកំភួន
ដើម្បីកាត់បន្ថយតាមការគ្រោងទុក»។ លោកបានលើកឡើងថា៖ «ផ្ទុយទៅវិញ
យើងចាំបាច់ត្រូវការពេលខ្លះ
ទាក់ទងនឹងការនាំចូលទំនិញផ្សេងពីប្រេងឆៅ
ដូច្នេះខ្ញុំបានស្នើឲ្យលោក Geithner
ពិចារណាទៅលើស្ថានភាពរបស់ជប៉ុន»។
ការ
កាត់បន្ថយការនាំចូលប្រេងឆៅពីអ៊ីរ៉ង់
អាចនឹងបង្កហានិភ័យដល់ប្រទេសជប៉ុន។ ប្រទេសនេះ
ពឹងផ្អែកលើការនាំចូល ដើម្បីបំពេញតម្រូវការថាមពលរបស់ខ្លួន
ហើយប្រទេសនេះក៏ត្រូវការនាំចូលប្រេងឥន្ធនៈបន្ថែមទៀត
ដើម្បីកាត់បន្ថយការប្រើប្រាស់ថាមពលនុយក្លេអ៊ែរ
បន្ទាប់ពីមានបញ្ហានុយក្លេអ៊ែរនៅ Fukushima កាលពីឆ្នាំមុន៕ CS
Hello, my name is Jack Sparrow. I'm a 50 year old self-employed Pirate from the Caribbean.