Wednesday, 26 October 2011 12:01
វង្ស សុខេង
រដ្ឋ មន្ត្រីការបរទេសកម្ពុជា លោក ហោ ណាំហុង (ស្តាំ) និងលោក Jeff Daigle នៅក្នុងសន្និសីទកាសែត នៅក្រសួងការបរទេស កាលពីថ្ងៃអង្គារម្សិលមិញ។ រូបថត ហុង មិនាភ្នំពេញៈ លោក ហោ ណាំហុង រដ្ឋមន្ត្រីក្រសួងការបរទេសកាលពីម្សិលមិញ បានធ្វើការចំអក ចំពោះពាក្យបណ្តឹងព្រហ្មទណ្ឌ ដាក់ប្តឹងដោយមេធាវីពីររូបរបស់លោកនួន ជា បងធំទី២ ក្នុងរបបខ្មែរក្រហម ទៅកាន់សាលាដំបូងរាជធានី ដែលចោទរូបលោក និងមន្ត្រីជាន់ខ្ពស់រដ្ឋាភិបាលជាច្រើនទៀត ពីបទជ្រៀតជ្រែកចូលទៅក្នុងកិច្ចការរបស់សាលាក្តីខ្មែរក្រហម។
លោក ហោ ណាំហុង បានថ្លែងទៅកាន់អ្នកយកព័ត៌មាន នៅក្រសួងការបរទេសថា៖«នេះជារឿងកំប្លែង ដែលវាមិនស័ក្តិសមឲ្យយើងតបត[ចំពោះមេធាវីបរទេសទាំងនោះ]វិញទេ»។
លោកហោ ណាំហុង មានប្រសាសន៍បែបនេះ នៅមួយថ្ងៃក្រោយពីលោក Michiel Pestman និង Andrew Ianuzzi សហមេធាវីលោក នួន ជា បានដាក់ពាក្យប្តឹងប្រឆាំងរូបលោក លោកនាយករដ្ឋមន្ត្រី ហ៊ុន សែន ប្រធានព្រឹទ្ធសភាលោក ជា ស៊ីម ប្រធានរដ្ឋសភាលោក ហេង សំរិន រដ្ឋមន្ត្រីក្រសួងព័ត៌មានលោក ខៀវ កាញ៉ារីទ្ធ រដ្ឋមន្ត្រីក្រសួងសេដ្ឋកិច្ចលោក គាត ឈន់ អ្នកនាំពាក្យក្រសួងមហាផ្ទៃ លោក ខៀវ សុភ័គ រដ្ឋមន្ត្រីក្រសួងព្រះបរមរាជវាំងលោក គង់ សំអុល សមាជិកព្រឹទ្ធសភា គណបក្សប្រជាជនកម្ពុជាលោក អ៊ុក ប៊ុនឈឿន និងលោក ស៊ីម កា។
ពាក្យបណ្តឹងនោះ បានស្រង់របាយការណ៍សារព័ត៌មាន ដែលបានលើកឡើងថា មន្ត្រីទាំងនេះបានធ្វើការបំពានលើយុត្តិធម៌ ដែលបានប្រឆាំងជំទាស់ ចំពោះការស៊ើបអង្កេត និងការចាត់នីតិវិធីបន្ត នៅក្នុងសំណុំរឿង០០៣ និង ០០៤ ដោយបានបង្ហាញថា សាក្សីមួយចំនួន ពុំគួរចូលខ្លួនធ្វើសក្ខីកម្មក្នុងសំណុំរឿង ០០២ ទេ ហើយថែមទាំងបានព្រងើយកន្តើយ នឹងដីការបស់សាលាក្តីខ្មែរក្រហម ឲ្យចូលខ្លួនធ្វើសក្ខីកម្មក្នុងសំណុំរឿង ០០២ ទៀតផង៕
Hello, my name is Jack Sparrow. I'm a 50 year old self-employed Pirate from the Caribbean.