កម្ពុជា​ប្រមូល​លើ​យាន​យន្ត​បាន​ជិត​១​សែន​លាន​រៀល

Monday, 17 October 2011 16:26

ទេព និមល-Phonpenh Post

ភ្នំពេញៈ នាយកដ្ឋាន​ពន្ធដា នៃ​ក្រសួង​សេដ្ឋកិច្ច និង​ហរិញ្ញវត្ថុ ប្រមូល​ពន្ធ​លើ​មធ្យោបាយ​ដឹក​ជញ្ជូន​បាន​ជាង ៩៧ ២៨២​លាន​រៀល​នៅ​ក្នុង​ឆ្នាំ​២០១១​នេះ លើ​យាន​យន្ត​សរុប​ជាង ១​លាន​គ្រឿង។យោង​តាម​របាយការណ៍​របស់​នាយកដ្ឋាន​ពន្ធដា ដែល​ចេញ​ផ្សាយ​ដោយ​សម្ព័ន្ធភាព ប្រជា​ពលរដ្ឋ​ដើម្បី​គណនេយ្យភាព​សង្គម​នៅ​កម្ពុជា នៅ​ថ្ងៃ​ចន្ទ​នេះ បាន​ឲ្យ​ដឹង​ថា រយៈ​ពេល ៣​ខែ​នៃ​ការ​ប្រមូល​ពន្ធ​លើ​មធ្យោបាយ​ដឹក​ជញ្ជូន​របស់​នាយកដ្ឋាន​ពន្ធដា ចាប់​ពី​ថ្ងៃ​ទី​១៥ ខែ​មិថុនា ដល់​ថ្ងៃ​ទី​១៥ ខែ​កញ្ញា ឆ្នាំ​២០១១ ទទួល​បាន​ប្រាក់​សរុប​ចំនួន ៩៧ ២៨២ ៩៧៣ ៥០០​រៀល លើ​យាន​យន្ត​ចំនួន ១ ៦១៨ ០៣៤ គ្រឿង។
ថវិកា​ពន្ធដាឆ្នាំ​២០១១​នេះ បាន​កើន​ឡើង​លើស​​ឆ្នាំ​២០១០ ដែល​អាជ្ញាធរ​​ប្រមូល​ពន្ធ​បាន​ចំនួន ៨២ ១៣៦ ៤៥៨ ៥០០រៀល លើ​យាន​យន្ត​ចំនួន ១ ៥៧៦ ២១៩ គ្រឿង។